„Дејли Телеграф“: Лондон и Рим согласни околу потребата за реформи во ЕУ

Велика Британија и Италија се согласни дека се потребни реформи во Европската унија, со што би се заштитиле правата на членките кои не и припаѓаат на еврозоната и таа на поефикасен начин би се справила со миграциската криза, наведуваат шефовите на дипломатиите на двете земји Филип Хамонд и Паоло Џентилони во зеднички текст објавен во лондонскиот весник „Дејли Телеграф“.

Двајцата министри за надворешни работи оценуваат дека Велика Британија и Италија имаат многу „заеднички нешта“ и се согласни за потребата од реформи во ЕУ за поедноставување на нејзиното функционирање и на нејзините процедури и правила. 

- Можеме заеднички да работиме на пакетот реформи за ЕУ, кој че опфатат конкретни теми, како што е улогата на националните Парламент, конкурентноста, економскиот пристап и социјалната заштита, со цел ЕУ да стане поедноставна, поефикасна и помалку бирократска, наведуваат двајцата шефови на дипломатии. 

Во заедничлата статија министрите за надворешни работи на Велика Британија и Италија оценуваат дека на ЕУ и се потребни „други патишта на интеграција“, кои можат да коегзистираат, што е клучно барање на Лондон, кој се поинтензивно се оддалечува  од политичката унија, на која инсистираат 28 држави-членки на блокот.