Балкан
23. November 2015 - 11:00

„Дејли стар“: Перењето пари за финансирање на ИД се врши во БиХ

Парите кои се собираат во џамиите во Велика Британија се користат за финансирање на терористите од Исламска држава, а перењето на тие пари се одвива преку сметки во Босна и Херцеговина, објави вчера британскиот весник „Дејли стар“.

Весникот наведува дека многу лесно можат да се разоткријат сомнителните финансиски текови преку социјалните мрежи. На новинар од „Дејли стар“ преку приватна порака на социјалните мрежи му било кажано дека донираните пари преку БиХ се испраќаат до милитантите на Блиски Исток.

Исто така на новинарот му било кажано дека за донација да го контактира Исо Амрики, кој на социјалните мрежи се претсатвува под имињата „HoneyNtea“ и „Wolf Raised“. Амрики изјавил дека парите за ИД ги собира во џамиите во Велика Британија.

- Амрики ме советуваше донацијата да ја уплатам преку мрежата за трансфер на парти „Moneygram“ во БиХ, бидејќи тоа е најсигурен начин, тврди новинарот на „Дејли стар“.