Според пишувањата на повеќе македонски медиуми кои се повикуваат на извори од македонското Обвинителство, шведската полиција го уапсила Дејан Давидовски, обвинет за терористичко загрозување на уставниот поредок и безбедноста при упадот на Собранието на 27 април 2017 година.
Тој на аеродромот Скаваста во Шведска пристигнал на 7 април, каде што е приведен од граничната полиција.
Како што стои во објавите на медиумите, обвинителството во Македонија побарало естрадиција за Давидовски, кој е баран со меѓународна потерница.