Деца од Грција ќе бидат првите посетители во куќата на Дедо Мраз во Кавадарци
Деца од Грција ќе бидат првите посетители во дворот од куќата на Дедо Мраз во Кавадарци, која традиционално веќе 22 години е масовно посетена од најмлади од земјава и странство. Кавадаречкиот Дедо Мраз, Ѓорѓи Вареловски, вели дека неговата мисија е да ги усреќува децата.
-Пред повеќе од две децении одлучив да направам нешто со што ќе предизвикам задоволство и насмевка кај помладите. Секоја година за време на новогодишните празници, го украсувам мојот двор со безброј украси и облечен во облека на Дедо Мраз, ги пречекувам младите посетители и им подарувам новогодишни пакетчиња, потсети Вареловски.
Минатата година во најпознатиот двор во Тиквешко и пошироко, уживаа околу 1.500 дечиња, годинава се очекуваат околу 3.500. Возрасните од други места, за подарок добиваат шише домашна тиквешка ж`та.
Посетата на кавадаречкиот Дедо Мраз годинава започнува на 21 декември и трае до крајот на јануари. За Бадник, кавадаречкиот Дедо Мраз традиционално посетува по неколку социјално загрозени семејства и им донира прехранбени артикли.
Вареловски кој работи како мајстор градежник, сам ги обезбедува подароците, а понекогаш во тоа му помагаат хумани граѓани и компании. Тој додава дека би било добро ако и годинава се најде некој што ќе му помогне, бидејќи тоа ќе значи дека повеќе деца ќе бидат дел од празничната магија во неговиот двор.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела