Дебата во СЕП „Очекувања, предизвици и следни чекори во евроинтеграциите“
Во пресрет на најавеното објавување, од страна на Европската комисија, на годинашната Стратегија за проширување и Извештајот за напредокот на Република Македонија, деенска во просториите на Секретаријатот за европски прашања (СЕП) се одржа дебата на тема: „Очекувања, предизвици и следни чекори во евроинтеграциите“.
СЕП соопшти дека денешната дебата е дел од дебатниот циклус „ЕУ Разговори“ во насока на реализирање на ЕУ Агендата 2015, а со цел подобрување на квалитетот на дијалогот во процесот на пристапување во Европската Унија, водејќи се од начелата на инклузивност и трaнспарентност во своето работење.
ЕУ разговорите имаат за цел, преку отворена, стручна и конструктивна дебата, меѓу различни општествени чинители на актуелни теми и прашања, да придонесат кон калибрирање на заеднички ставови, насоки и предлози кои може да водат кон решенија.
На дебатата учествуваа претставници на граѓански организации кои дебатираа за своите очекувања од годинашната Стратегија за проширување и претстојниот Извештај за напредок на Република Македонија, како и за размислувањата и предлозите за нивен придонес и натамошна вклученост во процесот, се наведува во соопштението од СЕП.
Ново на Сител
-
МВР: Регистрирани нови инциденти при гласање ширум државата
-
Оваа година поголем одзив до 15 часот во споредба со 2019
-
Излезеноста во Куманово до 15 часот 33 проценти, во Липково 25, во Старо Нагоричане 35
-
Излезеноста на изборите до 15 часот во Дебар 22, во Центар Жупа 13,11 отсто
-
Во Новаци гласале повеќе од половина жители, најмала излезност во Центар Жупа
-
Излезноста до 15 часот е 35,89 отсто
-
24-годишна девојка нападната од нејзиниот невенчан сопруг
-
Силувана малолетничка во Шуто Оризари