Даштевски: Прекин од неколку часа на повеќе избирачки места во државата

Претседателот на Државната изборна комисија Алексадар Даштевски на денешната прес-конференција во 11:30 часот изјави дека во неколку избирачки места има прекин од повеќе часа.

-Во врска со прекините повеќе од еден час,прекин имало на избирачко место 2867/1, 2831 и 2815 во Скопје и на три места во Сарај 2433, 2435 и 2438, едно место во Карпош 2652 и едно место во Чешиново-Облешево 0887, и Зелениково 2373, таму се повеќе од три часа, рече Даштевски.

Даштевски додаде дека како проблеми кои се јавиле во текот на гласањето се смарт картичките што се ставаат во уредот и немањето на сигнал. Во местата каде имало прекини подолго време и каде имало неизвесност дали ќе продолжи гласањето за да не се враќаат граѓаните се продолжило со класичен метод на гласање, за во меѓувреме гласањето да продолжи со идентификација со уредот.