Данок за возилата во Србија од идната година – по година на производство наместо по кубикажа
Од 1 јануари идната година во Србија автомобилите наместо по кубикажа ќе се одданочуваат според годината на производство, најави министерот за финансии Синиша Мали во Собранието.
„Заедно со предлог-буџетот за 2022 година, пред вас ќе имате предлози за изменување и дополнување на законот за сопственост и пренос на апсолутни права, кои ќе предложат како да се реши овој проблем, бидејќи имавме многу коментари од граѓаните и од други за кои постоечкото решение не е логично“.
Тој вака одговори на пратеничко прашање дали може да се примени поправеден модел при оданочување на возилата наместо постоечкиот, бидејќи се случува износот на данокот да ја надмине пазарната вредност на возилото, бидејќи данокот се наплатува според кубикажата на моторот. „Само законско решение ќе овозможи постапката да се заврши многу побрзо и полесно. Овој проблем ќе биде решен до крајот на годината, а од 1 јануари 2022 година ќе почнеме да спроведуваме новото решение“, посочи министерот за финансии на Србија.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност