Дамаск: Екстремистите во Источна Гута за утре подготвуваат хемиски напад

Екстремистите во Источна Гута утре планираат да изведат хемиски напад и за тоа да ги обвинат силите на сириската Влада, тврди заменик министерот за надворешни работи на Сирија Фајзал Мехдад.

- Добивме информации дека екстремистите во Источна Гута планираат да изведат изведат хемиски напад. Очекуваме групата Тахрир ал-Шам оваа „претстава“ да ја изведе на 11 март, рече Мехдад.

Тој додаде дека Сирија има отворени врати за меѓународните истражни организации.

- Добивме десет барања од различни истражни комитети и ниту еден не одбивме, не затворивме ниту еден дел од Сирија, но тие не сакаат да спроведат истрага, тоа е проблем, рече Мехдад.