Македонија
22. January 2021 - 19:40

Дали е конечно затворено прашањето околу употребата на придавката македонски?

Историчарите постигнале напредок, но не откриваат каков.

Извори од комисијата брифираат дека е усогласен записникот од деветата средба а надминати се и некои разлики околу записникот за десетата средба на историчарите.

Дали е конечно затворено прашањето околу употребата на придавката `македонски`, нема информација од комисијата.

На онлајн состанокот денеска присуствуваа по тројца претставници од двете страни. Следниот редовен состанок на кој треба да се разговара за отворените историски прашања се очекува да се одржи на 25 и 26 февруари.

Од работата на историската комисија меѓу останатите прашања зависи и почетокот на преговорите на земјава со ЕУ.