Дадилка од пеколот: Изгледа наивно, а му ја отсече главата на бебето што го чуваше
Узбекистанската дадилка која беше уапсена во февруари во руската престолнина Москва додека во рацете носеше отсечена детска глава, го призна убиството на почетокот од процесот на московски суд.
Првото сослушување беше затворено за јавноста. Дадилката, по потекло од Узбекистан, е обвинета за убиство со ладно оружје на четиригодишно девојченце заболено од церебрална парализа коешто го чувала, а на коешто потоа му ја отсекла главата.
Бобокулова, којашто и претходно имала испади, исто така, е обвинета дека го запалила станот во кој живеела жртвата пред со отсечената глава да излезе на улица.
Во моментот на апсењето на метро станица во московската подземан железница, Бобокулова се прогласила за камиказе. -Ја мразам демократијата. Јас сум терористка. Ја сакам вашата смрт – викала.
Во текот на првото излегување пред судот во март, оваа разведена мајка на три деца, одговарала на прашањето на новинарите за убиството „коешто ѝ го наредил Алах“.
Руската истражна комисија по неколку прегледи во рамките на истрагата заклучи дека Бобокулова боледува од шизофренија и деменција. Ѝ се заканува 25-годишна казна затвор којашто ќе ја издржува во строго чувана психијатриска болница.
Ново на Сител
-
Д-р Беќаровски заминува од Клиниката за токсикологија
-
ЈСП: Јавниот превоз утре по неделен возен ред, жичницата на Водно нема да работи
-
Зголемен водостојот на Охридското и на Преспанското Езеро
-
Интер по 20 пат шампион на Италија
-
Три години затвор за германски навивач поради фрлање петарда
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата