Дачиќ: Србија нема да ги протерува руските дипломати
Србија ја осудува секоја употреба на хемиско оружје, но нема да носи одлуки кои би ги следеле мерките против Русија, во врска со труењето на поранешниот разузнавач Сергеј Скрипал во Велика Британија, изјави денеска српскиот министер за надворешни работи Ивица Дачиќ.
- Сега нас не тераат да протераме руски дипломати, а тоа не го сторија ниту одредени земји членки на ЕУ. Тогаш ни ние нема да го сториме тоа. изјави Дачиќ на денешната заедничка прес-конференција со шефот на дипломатијата на Бурунди, Алан Њамитиве.
Тој потврди дека „имало разговори и барања“ Србија да протера руски дипломати и оти за тоа прашање „ќе разговара со амбасадорите“, но нема да носи одлуки по автоматизам, бидејќи Белград „води независна надворешна политика“.
- Се залагаме за целосна истрага, ние водиме сметка за сопствените интереси и не работиме на копче. Наш интерес е да се дознае вистината и нема до носиме одлуки по автоматизам, ниту пак одлуки кои би ги нарушиле нашите односи со Русија, Кина, Бурунди или која било друга пријателска земја, изјави Дачиќ.
Тој додаде дека не може да замисли ситуација во која Србија би добила поддршка ако одлучи да протера дипломати од некоја земја.
Во солидарност со Велика Британија, која ја обвинува Москва дека е одговорна за труењето на Скрипал и неговата ќерка Јулија, 28 земји протераа околу 150 руски дипломати. Повеќето од овие земји протераа по еден руски дипломат, додека три членки на ЕУ - Австрија, Грција и Кипар одбија да превземат какви било дипломатски санкции против Русија.
Инаку, Дачиќ пред еден месец доби руски Орден за пријателство од претседателот на Русија, Владимир Путин, кој лично во Белград му го врачи шефот на руската дипломатијата Сергеј Лавров.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка