Дачиќ потврди дека има заразени лица со Ковид-19 во српската Влада
Министерот за надворешни работи на Србија, Ивица Дачиќ денеска потврди дека државниот секретар во Министерството за животна средина Бранислав Блажиќ е заразен со новиот коронавирусот. Дачиќ во изјава за локална телевизија рече дека Блажиќ присуствувал на состанокот на ресорниот комитет во Владата, во одборот и бил во контакт со други членови на комисијата.
– Имаме други вработени во Владата и во министерствата кои се заразени, рече Дачиќ, без да прецизира колку лица се инфицирани.
Белградски медиуми синоќа објавија за заразени со Ковид-19 во српската Влада, повикувајќи се на „извори запознаени со ситуацијата“.
Блажиќ е од Кикинда, град кој е едно од жариштата на епидемијата на новиот коронавирус во Србија.
Според српските медиуми, сите од Министерството за животна средина кои биле во контакт со Блажиќ сега се во изолација, а министерот Горан Триван само телефонски контактирал со генералниот секретар на неговото Министерство и со сите други со кои Блажиќ бил во контакт. Блажиќ во моментот е хоспитализиран на Клиниката за инфективни болести во Белград.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово