Дачиќ: Патот на Косово и Каталонија е идентичен
Српскиот министер за надворешни работи Ивица Дачиќ истакна дека, Србија оценува оти едностраното прогласување независност на Каталонија нема никаво правно дејство и укажува на тоа дека постои сличност со едностраниот акт на Косово.
- Србија го поддржува територијалниот интегритет, суверенитетот и тој акт не се во согласност со шпанскиот Устав. За разлика од тоа како другите земји реагираа на едностраното прогласување на незавиноста на Косово, Србија е принципиелна и исто така не прифаќа какви било унилатерални акти каде било во светот, вклучително и за Каталонија. Нашата позиција е целосно јасна, нагласи Дачиќ.
Српскиот министер за надворешни работи наведе дека, сличноста меѓу Каталонија и Косово постои во една основна работа - дека станува збор за едностран чекор, унилатерално прогласување на независност.
- Патот на Косово и Каталонија е еден и ист, проблемот е во тоа што во тој случај големите сили не ја поддржуваат Каталонија, а во случајот со Косово имаа друг интерес. Наместо светот да се базира на тоа што сакаат или не сакаат големите сили, треба да се основа на меѓународното право, истакна Дачиќ.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација