Дачиќ: Наводните договори за поделбата на Косово се шпекулации
Наводниот договор на Белград, Приштина и Тирана за размена на територии и поделба на Косово, се само шпекулација, изјави шефот на српската дипломатија Ивица Дачиќ во интервјуто за денешното издание на весникот „Курир“.
- Тоа е само шпекулација. Се знае дека јас ја предлагав како можност поделбата на Косово. Најбитно е да продолжи бриселскиот дијалог, како и што побргу да се откријат убијците на Оливер Ивановиќ, вели Дачиќ.
Во врска со посетата на српскиот претседател Александар Вучиќ на Загреб, Дачиќ нагласува дека таа покажала оти Србија е подготвена да разговара, како и дека двете земји и покрај различните ставови за одредени прашања, мораат да соработуваат и да се договараат.
- Никогаш нема да се согласиме како ја гледаме „Олуја“, но соседи сме и мораме да соработуваме и да се договараме. Тоа е единствениот начин. Од меѓусебните препукувања, никој нема корист, додава Дачиќ,
Тој во интервјуто додава и дека ќе се придржува до договорените 100 дена мораториум на изјави во однос на Хрватска.
- Нема да ставам фластер на уста, бидејќи кога говорам јас само ја бранам Србија. Но, го почитувам државничкиот став на претседателот Вучиќ и се надевам дека и другата страна ќе го почитува, констатираше Дачиќ.
Ново на Сител
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај