Дачиќ и Лавров за дијалогот меѓу Белград и Приштина
Претседателот на Собранието на Србија, Ивица Дачиќ во рамките на официјалната посета на Москва разговараше денеска со рускиот министер за надворешни работи Сергеј Лавров, јави дописникот на МИА од Белград.
Како што соопштија од Собранието на Србија, темите на разговорот „во пријателска и пријатна атмосфера“ биле дијалогот меѓу Белград и Приштина, ситуацијата во регионот, настаните на глобалната политичка сцена.
-Министерот Лавров уште еднаш подвлече дека Руската Федерација ќе продолжи да и дава поддршка на Република Србија во зачувување на нејзиниот територијален интегритет и суверенитет, како и дека ќе прифати решение за Косово и Метохија што е прифатливо за Србија, се наведува во соопштението.
Лавров и Дачиќ „изразија подготвеност да продолжат да придонесуваат за натамошен развој на стратешките односи на двете земји на билатерален и мултилатерален план“.
Рускиот министер за надворешни работи го информираше Дачиќ за претстојната средба меѓу рускиот претседател Владимир Путин и американскиот претседател Џо Бајден во Женева во јуни.
Дачиќ порачал дека „парламентарната дипломатија е силен механизам за соработка и подобрување на односите“ и дека по успешните разговори со претседателите на Државната дума Владимир Володин и претседателот на Советот на федерацијата Валентин Матвиенко, тој бил „подготвени да вложи максимални напори за зајакнување на оваа соработка” особено во рамките на работата на Комисијата за соработка на двата парламента, чија следна седница е планирана до крајот на годината.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово