Дачиќ: ДОС му понуди на Слободан Милошевиќ да замине во Русија, но тој одби
Претседателот на Собранието на Србија, Ивица Дачиќ, изјави дека Демократската опозиција на Србија (ДОС) му понудила на поранешниот претседател на СР Југославија и на Социјалистичката партија на Србија (СПС) Слободан Милошевиќ да замине во Русија, но дека тој одбил затоа што мислел дека нема од што да бега, јави дописникот на МИА од Белград.
Дачиќ на телевизија Хепи говорејќи за периодот по демократските промени во Србија по 5 октомври 2000 година, кажа дека сопругата на Милошевиќ, Мирјана Марковиќ била против заминувањето.
-Тогаш беше лесно да се убеди Слоба да не бега, но кога луѓето почнаа да зборуваат за (убиениот новинар Славко) Чурувија, таа замина во Русија. Па зошто тогаш не му даде на Слоба да замине во Русија, кој знае што би се случило во меѓувреме, кажа Дачиќ.
Тој додаде дека во времето кога Милошевиќ бил уапсен, тој бил пред неговата вила на Дедиње заедно со другите членови на СПС, бидејќи не бил во тесното раководство на партијата, ниту меѓу пријателите на семејството Милошевиќ.
Дачиќ кажа дека на 6 октомври 2000 година, добар дел од раководството на СПС ја напуштило партијата.
-Функционерите ја напуштаа партијата. Преку Танјуг даваа изјави дека никогаш не се согласувале со политиката на Милошевиќ, изјави Дачиќ и посочи дека во тоа време градските простории на СПС биле уништени и дека партијата „се обновувала“ од просториите во Вождовац.
Дачиќ истакна дека не го познавал добро семејството Милошевиќ, но дека се обидувал да им излезе во пресрет и да помогне во одбраната на Милошевиќ, „затоа што тој не беше предавник“.
Во Србија по емитувањето на ТВ серијалот „Семејство“ на РТС, за периодот на апсењето на Милошевиќ од владата на ДОС, се разви голема полемика околу ликот и делото на Слободан Милошевиќ.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање