Д-р Бошковски донираше крвна плазма за да го спаси пациентот од Ресен
Д-р Мирослав Бошковски од Куманово, 35-годишен матичен лекар од Куманово и специјализант по интерна медицина, денеска донираше крвна плазма за да спаси човечки живот. Тој, за „Нова Македонија“ вели дека пред 11 дена се регистрирал да дарува ковалесцентна плазма, а во меѓувреме го видел апелот за помош, во кој се бараше да се донира плазма за четириесетгодишниот пациент од Ресен, кој беше споделуван деновиве на социјалните мрежи.
– Кога видов дека се бара моја крвна група, Б позитив, веднаш телефонски контактирав со Институт за трансузуиона медицина. Во рок од 24 часа ги направија сите напори, ги направивме сите тестови, анализи, вклучително и оние со кои се гледа дали имам доволно протеини, хемоглобин и количество на антитела. Откако ги направија испитувањата, дадов крвна плазма. Процедурата е иста како за давање крв, трае 10 минути. Потоа се прави обработка на крвта за да се извлече плазмата и за краток период се носи во болницата каде што е пациентот, и му се аплицира – вели д-р Бошковски.
Од најстари времиња се знае дека ако се даде плазма од човек кој прележал инфективна болест, на пациент кој е заболен, ќе му помогне во одбраната од истата, додава докторот.
Тој апелира до пациентите кои имаат прележано ковид-19, да го сторат истото.
– Тие што знаат дека можат да помогнат, нека спасат живот. Една кеса плазма многу значи за тие пациенти кои се во тешка состојба. Апелирам до сите колеги и до сите граѓани кои прележале ковид-19, веднаш по истекот на минималниот период од оздравувањето веднаш да се пријават за донирање, особено поради фактот што тоа е периодот кога заштитните антитела имаат највисок титар – додаде тој.
Д-р Бошковски вели дека речиси сите во семејството биле заболени во периодот од 30 март до 15 април. Тој лично бил хоспитализиран и во болницата во Куманово, а мајка му била хоспитализирана на Клиниката за инфективни болести.
– Немав некои поголеми компликации и проблеми. Имав симптоми, почна со треска, малаксаност и кашлица. Бев и на кислородна поддршка. Добивав симтоматска и супортивна терапија. Сега, сите сме добри – завршува Мирослав, кој е активен член и на Лекарската комора.
Извор: Нова Македонија
Ново на Сител
-
ДКСК повторно ќе постапува по приговорот на Силјановска-Давкова за кршење на изборните правила
-
Експлозии во Иран, американски медиуми јавуваат за израелски напади
-
Косовско МНР: Ослободен заменик директорот на косовската полиција Јанковиќ кој беше уапсен во Србија
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција