Црвен крст со бесплатна обука по прва помош во Кавадарци
Црвен крст реализираше бесплатна обука по прва помош за пожарникари и полицајци во Кавадарци. Со тоа продолжи кампањата под мотото „Твоето незнаење чини живот”.
Градоначалникот Митко Јанчев ја поздрави оваа акција и нагласи дека секогаш се поддржуваат ваквите активности кои заслужуваат признание.
Здравјето е еден од основните темели на кои треба да се темели нашето општество, рече судијата Лазар Нанев.
-Благодарност до Црвен крст што успева да ги развие клучните поенти кои значат заштита на здравјето и животот. Секоја надградба на знаењето значи спасување на живот. Сите учесници во сообраќајот треба да покажат сериозно внимание како да укажат прва помош при сообраќајни несреќи, рече Нанев.
Генералниот секретар на Републичкиот Црвен крст, Саит Саити рече дека има 35 годишен возачки стаж и дека добро му дошло освежувањето на знаењата од прва помош.
-Во последните три години годишно во државава има по околу 150 жртви во сообраќајни незгоди и по околу шест илјади лица кои страдаат во тие незгоди, со лесен или потежок инвалидитет. Сметаме дека со ова ќе помогнеме во спасувањето на живот и помали последици при незгоди во сообраќајот, додаде Саити.
Иницијативата на хуманитарната организација ја поздрави и Сашко Димовски, командир на Полициска станица од општа надлежност Кавадарци. Тој нагласи дека знаењето да се укажи прва помош може да значи живот.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас