Црногорската Влада бара проверка на довербата
Црногорската Влада, во последниот ден од оваа година, од Парламентот побара да гласа за доверба на тимот предводен од премиерот Мило Ѓукановиќ.
Во барањето, како што наведуваат црногорските медиуми, се наведува дека во поголемиот дел од тригодишниот мандат намало јасна политичка поддршка од парламентарното мнозинство за коалициската Влада составена од Демократската партија на социјалисти (ДПС) и Социјалдемократската партија (СДП).
На претседателските избори пред две години, СДП не го поддржа кандидатот на ДПС Филип Вујановиќ.
Иницијативата за проверка на довербата на Владата на дневен ред пред парламентарците би можела да се најде во втората половина на јануари, пренесува Ал Џезира Балкан.
Доколку Владата не ја добие поддршката на мнозинството пратеници, ќе се распишат вонредни избори, на кои, според последните анкети, ДПС на Ѓукановиќ ќе освои 45 отсто од гласовите. Според истото истражување на Ипсос, спроведено во декември, на второ место е Демос, со поддршка од 13 проценти на граѓаните, додека Демократскиот фронт и Граѓанското движење УРА ги поддржуваат осум отсто од испитаниците.
Над изборниот праг се и Социјалистичката народна партија и Демократи со шест отсто и Социјалдемократската партија со четири отсто поддршка.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари