Црногорска агенција бара одговорност од ТВ Хепи, Пинк М и РТС
Советот на Агенцијата за електронски медиуми (САЕМ) на Црна Гора соопшти дека ќе бара од српскиот регулатор да ја утврди одговорноста на телевизиите Хепи, Пинк М и РТС за кршење на стандардите и најави можност да ги укине емитувањата на тие програми на територијата на Црна Гора.
САЕМ во соопштението наведува дека ќе побара од српскиот регулатор за електронски медиуми да поведе постапка за утврдување на одговорност на ТВ Хепи, Пинк М и РТС за кршење на стандардите пропишани со Конвенцијата за прекугранична телевизија и Директивата за услуги на АВМ да преземе соодветни мерки.
САЕМ тоа го бара бидејќи воочиле дека радиодифузерите користат погрдни, навредливи или вознемирувачки изрази кои поттикнуваат негативни емоции, искажување непријателство или желба за дискриминација како и омаловажување или обезвреднување на припадниците од црногорска националност, негирајќи го нивниот национален идентитет и посебност.
Конвенцијата за прекугранична телевизија и Директивата за услуги на АВМ предвидуваат дека сите емисии во однос на нивната презентација и содржина треба да го почитуваат достоинството на човекот и основните права на другите, и не смеат, особено, несоодветно да го потенцираат насилството или да поттикнуваат расна нетолеранција, исто така не смеат да содржат поттикнување на омраза врз основа на раса, пол, религија или националност, истакнува црногорската агенција за електронски медиуми.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје