ЦК на ВМРО-ДПМНЕ: Членовите и поддржувачите да не присуствуваат на настани организирани до Владата на СДС за Илинден
ВМРО-ДПМНЕ во соопштение денеска наведува дека на седницата на Централниот Комитет одржана на 29-ти овој месец, се разговарало на, како што наведуваат, се погласните шпекулации дека за време на чествувањето на македонскиот национален празник Илинден ВМРО-ДПМНЕ наводно ќе организирала инциденти и насилства.
- Централниот Комитет исто така ги дискутираше и информациите за можно сценарио од одредени центри, да бидат исценирани насилства или било какви инциденти во време на одбележувањето и прославата, и истите да бидат наметнати како вина на ВМРО-ДПМНЕ и неговите членови и поддржувачи по истиот терк на настаните на 27-ми април оваа година, по што би следеле нови хајки и прогони против партијата, членството, и раководството, и би биле во правец на нарушување на угледот и имиџот на ВМРО-ДПМНЕ пред домашната и меѓународната јавност како демократска партија, стои во соопштението.
Оттука, додаваат, ЦК на ВМРО-ДПМНЕ донесе одлука јавно да ги повика членовите и поддржувачите на партијата овој пат да се воздржат од присуство на настаните кои ги организира Владата на СДС, а со цел да не бидат со умисла и со подготвено сценарио испровоцирани и навлечени на реакција, а потоа и обвинети дека предизвикале инцидент или насилство.
Посочуваат дека доколку некои сепак одлучат да присуствуваат ги повикуваат да бидат крајно воздржани на можни провокации и да не дозволат да бидат вовлечени во можни исценирани инциденти.
- ВМРО-ДПМНЕ ќе најде начин со соодветен чин да изрази почит и да го одбележи херојството на нашите предци во нивната борба и лична жртва за слободна, независна и демократска Република Македонија, истакнуваат во соопштението..
Централниот Комитет на ВМРО-ДПМНЕ потсетува дека револтот на граѓаните од овој, според нив, капитулантски договор на марионетската влада на СДС не треба да биде насочен кон соседна Бугарија и нејзините претставници и граѓани. - Истите како и секоја друга држава се борат за интересите на нивната држава, и не сносат никаква вина што Владата на СДСМ носи незрели и штетни за нацијата одлуки од кои последиците ќе доаѓаат не толку денес, колку во наредните години. Начинот да се казни ова однесување е на следните избори кога повторно моќта ќе се врати во рацете на народот, стои во соопштението.
Ново на Сител
-
Тошковски: Нова полициска станица во Кисела вода, за поефикасна полиција, побезбедни граѓани
-
Коалиција „Вреди“: Наши членови незаконски се задржани во полициска станица во Тетово
-
Лични документи можат да се подигнат и во среда
-
Демири: Владата ги презеде трошоците за лекувањето на Леонид Индов
-
Народниот правобранител со бесплатна телефонска линија за пријавување повреда на избирачко право
-
Демири најави разрешување на медицинскиот директор на Токсикологија
-
Кочанчанец за една ноќ извршил шест кривични дела
-
Почина затвореник во „Идризово“