Балкан
15. December 2016 - 18:29

Ципрас: Време е да се постигне напредок за грчкото прашање

Време е да се постигне напредок за грчкото прашање, изјави премиерот на Грциј, Алексис Ципрас при пристигнувањето на самитот на Европска унија во Брисел.

- Верувам дека можеме да постигнеме напредок без уцени и со почитување на суверентитетот, посочи Ципрас.

Тој во Брисел ќе има низа средби со европски колеги. Ципрас на средбата со претседателот на Европскиот парламент Мартин Шулц ја потенцира потребата за изнаоѓање на решение за пакетот мерки „за доброто на цела Европа во момент на несигурност“.

Шулц изрази целосна поддршка за грчките ставови и побарал да се изнајде решени за проблемот најдоцна во јануари.

Францускиот претседател Франсоа Оланд по пристигнувањето во Брисел изразил поддршка за мерките за олеснување на долгот на Грција.

- Ги поддржувам одлуките на Еврогрупата. Еврогрупата одлучи да го олесни грчкиот долг, но тоа се уште не е доволно, наведе Оланд.