Ципрас: Сите страни да обезбедат услови за развој на Грција, наместо да ја казнуваат
Грчкиот премиер Алексис Ципрас во статија за електронското издание на весникот „Волстрит Џурнал“ ги повика денеска сите страни да прекинат со казнените практики кон Грција и да обезбедат услови за развој на земјата.
Ципрас се осврнува на конфликот меѓу европските институции и Меѓународниот монетарен фонд (ММФ), кои според него довеле до забавување на преговорите со кредиторите.
Статијата е објавена пред денешната пролетна сесија на ММФ и Светската банка во Вашингтон.
Грчкиот премиер во статијата се обидува да испрати порака дека Грција е подготвена повторно да влезе во сферата на растот и да привлекува странски инвестиции, но смета дека за тоа е потребно сите страни да обезбедат таква можност за земјата.
Ципрас истакна дека од суштинско значење за Грција е да бидат преземени одлучни чекори за олеснување на нејзиниот долг.
- Конфликтот меѓу ЕУ и ММФ за грчкиот долг и одзема драгоцено време на земјата и го забавува долгоочекуваното враќање на патот на развојот. Најсигурниот пат за постигнување на таа цел е да се поттикне растот и да се стави крај на казнените мерки од минатото, пишува грчкиот премиер.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас