Ципрас: Решението меѓу Грција и Северна Македонија е клучно за регионот
Заедно со мојот колега, Зоран Заев, успеавме да го решиме проблемот со името меѓу Грција и Северна Македонија, нешто што е особено клучно за регионот на Балканот, рече грчкиот премиер Алексис Ципрас во неговото обраќање во Дубровник за време на Конференцијата на иницијативата „16+1“, јави дописничката на МИА од Атина.
-Сметам дека ова е многу критичен момент за светските и регионалните случувања и треба кризата да ја оставиме зад нас и да изградиме нови темели за поддршка на нашата регионална и глобална соработка. Па така, она што ние се обидуваме да го постигнеме е да се соочиме со предизвиците како што се споровите во нашиот регион. Конкретно, неодамна, заедно со мојот колега, Зоран Заев, успеавме да го решиме проблемот со името меѓу Грција и Северна Македонија, нешто што е особено клучно за регионот на Балканот, рече Алексис Ципрас во обраќањето на Конференцијата и ги спомена, „грчките иницијативи за привлекување инвестиции во регионот“, како што е кинеската инвестиција „ Cosco“ во Пиреја и соработка за иницијативата „One Belt, One Road“.
Според грчката новинска агенција АНА-МПА, на маргините на конференцијата била одржана и средба на премиерите на Северна Македонија, Грција и Хрватска на која станало збор за соработката меѓу трите земји.
-Според дипломатски извори, хрватскиот премиер им честиташе на Грција и Северна Македонија за Договорот од Преспа. Во овој контекст, се разговараше за соработката на Грција и Хрватска за почеток на пристапниот процес на Северна Македонија во ЕУ, објави АНА-МПА.
Ново на Сител
-
На протестите во Москва повредени најмалку 42 полицајци
-
Албанија: Во последните три години над 60 странски државјани, меѓу нив и дипломати, прогласени за „персони нон грата“
-
Маж пронајден починат во водите на Пчиња кај Катланово
-
Нови одрони заглавија возило на регионалниот пат М.Каменица – Кочани
-
Рокот за поднесување на ДДВ 04 продолжен до 29 јануари
-
ВМРО-ДПМНЕ: Драган Николиќ како државен секретар е еден од главните виновници зошто сеуште немаме воен претставник во НАТО
-
Кривична пријава за дебранец кој узурпирал државно земјиште
-
Пошта иницира регионална соработка и поголема ЕУ-поддршка за модернизација и поквалитетни услуги за граѓаните