Ципрас ја повика Турција да го почитува меѓународното право
Грчкиот премиер Алексис Ципрас, кој е во посета на Каиро, ја повика Турција да го почитува меѓународното право и принципите на добрососедски односи со цел обезбедување на стабилноста и безбедноста во регионот на Медитеранот.
Во изјава по средбата со претседателите на Египет и Кипар, Абдел Фатах ал Сиси и Никос Анастасиадис, Ципрас се осврна на меѓународни договори, кои Турција ги смета за фундаментални и ги оспорува, по неодамнешната декларација на турскиот претседател Реџеп Таип Ердоган за Лозанскиот договор.
Ципрас смета дека е исклучително загрижувачки тоа што „од регионот се слушаат гласови од спротивната насока“.
- Ние сме должни да соработуваме, за да ги надминеме предизвиците“, рече грчкиот премиер.
Тој посочи дека „одговорот треба да биде јасен и непоколеблив“, како од страна на меѓународната заедница, така и од соседните земји за да се зачува стабилноста во источниот дел на Медитеранот.
- Почитувањето на меѓународното право е претпоставка за гарантирање на стабилноста во регионот и единствена можна база за односите на пријателство меѓу државите. Безбедноста во Европа зависи од безбедноста и стабилноста на нејзините соседи, рече Ципрас.
- Неопходна претпоставка за мирот и стабилноста во регионот е пронаоѓањето на праведно и суштинско решение за кипарското прашање, рече Ципрас.
Тој уште додаде дека за Грција трилатералната соработка со Египет и Кипар е стратегиски избори за зачувување на мирот, стабилноста и безбедноста.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација