Свет
15. јуни 2016 - 8:43

Чуркин: Русија ќе поддржи кандидат од Источна Европа за функцијата генерален секретар на ОН

Русија го поддржува правото на земјите од Источна Европа да предложат свој кандидат за функцијата генерален секретар на ОН, но не ја исклучува можноста дека Западот може да предложи друга кандидатура, изјави постојаниот претставник на Русија во ОН, Виталиј Чуркин.

- Ние имаме неколку фаворити. Целосно го поддржуваме правото на источноевропската група да предложи свој кандидат, но треба реално да се гледа на работите. Има неколку силни кандидати, кои не се од Источна Европа, затоа не треба да се исклучува ниту една можност, истакна Чуркин.

Според него, кандидатите од Источна Европа имаат политичка и психолошка предност.

- Се плашам дека, судејќи според некои делувања на нашите западни колеги, тие имаат друга претстава за ова прашање, нагласи постојаниот претставник на Русија во ОН.