Чулев: Ниту Наќе е „луд“, ниту полицијата е виновна што дел од политичарите од власта не се грижат за своето здравје
Министерот Наќе Чулев вечерва преку социјалните мрежи излезе со статус за ситуацијата со коронавирусот и со низа обвинувања за власта.
Тој вели дека коронавирусот е државен, а не политички или партиски проблем, но ги обвинува претставниците на власта дека брзајќи да најдат виновник во спротивните политички редови заборавиле да се грижат за сопственото и за здравјето на граѓани.
„Тоа доведе до состојба во која секојдневно имаме фрапантни бројки на новозаразени од коронавирусот, а дел од нив се токму од редовите на СДСМ. Ниту Наќе е ’луд‘ како што би рекол Шилегов, ниту пак полициските службеници се виновни што дел од политичарите од власта не водат грижа за сопственото здравје. Исто така МВР не е виновно што дополнителниот заменик министер Петровска не ги почитува препораките за групирање. За каква одговорност пред граѓаните зборуваме, кога тие со своите постапки покажуваат исклучителна ниска одговорност за своето здравје? Како да очекуваме тие да го заштитат здравјето на граѓаните кога не се способни да го заштитат своето здравје?“, пишува Чулев.
Тој понатаму апелира политичарите да покажат високо ниво на одговорност.
Од друга страна, пак, СДСМ постојано го обвинува Чулев дека кај него е дел од одговорноста за состојбата со коронавирусот поради непостапување на полицијата.
Социјалдемократите ја обвинуваат и ВМРО-ДПМНЕ дека со предвремената кампања без маски, дистанца и со групирања покажува колку се „грижи“ за здравјето на граѓаните.
„По партискиот собир на ВМРО-ДПМНЕ во Лисиче кога и самиот Мицкоски ја прекрши забраната за собири и учествуваше во масовен собир каде што имаше и физички поздравувања, без дистанца, а маски ретко кој и да носеше, вчера во Струмица, Мицкоски и членови на ВМРО-ДПМНЕ повторно беа на дело со прекршување на задолжителните мерки. Но, како тоа да не беше доволно, Мицкоски пред јавноста изјави дека ВМРО-ДПМНЕ за време на кампања ќе биде меѓу народот, нема да се крие зад цитирам: сметачките машини, зад екраните, туку ВМРО-ДПМНЕ ќе биде заедно со народот и во следните 25 дена и во оние 20 дена кои што ќе бидат дел од кампањата, и на крај со порака граѓаните да ги очекуваат“, рече денеска портпаролот на СДСМ, Костадин Костадинов.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација