Членови на Комисијата за европски прашања на средба со Матијс ван дер Плас
Членовите и замениците на Комисијата за европски прашања на Собранието на Република Македонија денеска имаа средба со генералниот директор за Европска соработка во Министерството за надворешни работи на Кралството Холандија Матијс ван дер Плас, придружуван од Вивијан Сандерс од Директоратот.
На средбата, како што соопштија од Комисијата за европски прашања, беа разменети мислења и ставови за актуелните случувања во Европската унија, со посебен осврт на европските прилики од аспект на натамошното проширување на Унијата со нови земји членки, пред се со државите од Западен Балкан.
Претседателот на Комисијата, Артан Груби, истакнал дека Холандија дава континуирана поддршка за евроатлантските интегративни процеси на Република Македонија, при што потенцирал и дека земјата работи на исполнување на потребните ЕУ реформи, со цел на Унијата да и ги испорача сите потребни аргументи за отстранување на условената препорака во есенскиот извештај на Европската комисија.
Тој се заблогодарил и за холандската поддршка на земјата на повеќе полиња, за што, како што рекол, доказ е и тоа што во минатите 20 години Холандија обезбедила финансиска и техничка помош од над 200 милиони евра.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица