Чистење пропусти, регулациони корита и канали во Крива Паланка
Општина Крива Паланка спроведува акција за чистење плочести и пропусти на цевки, отворени канали, канавки и уредени регулациски корита на десетина локации во градскиот и приградски реон.
Од локалната самоуправа информираат дека се ангажирани пет невработени лица за вршење на јавни работи на подрачјето на градот и општината.
- Приоритет е даден на вадење на акумулираниот материјал под плочестите пропусти на магистралниот пат кај големите долови: Куков дол, Трештен и Домачки дол. Паралелно извршено е и чистење на отворениот канал покрај магистралната улица пред зградите на улица „Херој Карпош“ и на отворениот канал од бензинската пумпа до влезот во населбата Бегови бавчи. Спроведено е целосно чистење на уреденото регулационо корито на Белевски дол од браната до вливот во Крива Река, а прочистени се и двата цевчести пропусти под магистралата на влезот во градот, информираат од општина Крива Паланка.
Отстранет е над 50 кубни метри акумулиран земјен материјал, од кој, дел, со помош на јавното комунално претпријатие е транспортиран до соодветна локација, а останатиот дел ќе биде отстранет во наредниот период.
Акцијата продолжува во наредните две недели.
Ново на Сител
-
Протест на вработените во „Водовод“ - си ја бараат мартовската плата
-
Ракетен напад во Иран
-
Преглед на вестите од светот
-
МОН: Деновите од изборите ќе се одработуваат во две саботи, СОНК бара повлекување на одлуката
-
Втор ден кампања за парламентарните избори
-
Последни 4 дена од кампањата за претседателските избори
-
Дуалното образование се попривлечно за средношколците
-
Струмичкиот театар одбележува 75 години постоење