Чистач во бегалски камп во Турција осуден за сексуална злоупотреба на деца
Еден турски државјанин, вработен како чистач во бегалскиот камп Низип, во близина на градот Газиантеп во јужна Турција, е осуден на 108 години затвор, поради сексуална злоупотреба на деца.
Како што објавија турските медиуми, 29-годишниот чистач се товари дека на деца-бегалци од Сирија им плаќал по две до пет турски лири (0.7 до 1,7 долари) за да имаат сексуален однос со него во тоалетите во кампот. Жртвите биле момчиња на возраст од осум до 12 години.
Осомничениот не ги негирал наводите во обвинителниот акт.
Тој бил приведен откако родители на осум деца-жртви го пријавиле случајот.
Турските медиуми наведуваат дека бројот на децата кои сексуално ги злоупотребил обвинетиот најверијатно е многу поголем, но голем дел од нивните родители не сакале да го пријават, стравувајќи дека би можеле да бидат депортирани назад во Сирија.
Во Турција престојуваат над 2,7 милиони сириски бегалци, од кои околу 14.000 се сместени во кампот Низип.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.