Свет
19. November 2017 - 22:06

Чиле: Демонстранти упаднаа во предизборниот штаб на Пинера

Демонстранти денеска упаднаа во предизборниот штаб на чилеанскиот кандидат за претседател Себастиан Пинера. 

Локалната полиција интервенирала и привела 21 лица. Демонстрантите се обиделе да се спротивстават, поради што се нанесени материјални штети врз зградата на штабот. 

Демонстрантите се членови на организацијата „Бесна младина“. 

Претставничката на организацијата Викторија Карданес изјави дека лицата упаднале во зградата бидејќи сметаат дека Пинера не е способен да ги заштитува интересите на обичните Чилеанци, како и дека ќе води политика што е погодна само за бизнис, доколку биде избран за претседател на Чиле.