Бизнис
10. October 2019 - 8:38

Четврти ден собраниска дебата за ребалансот на Буџетот за 2019

Пратениците денеска четврти ден ќе дебатираат за Дополнетиот предлог на ребаланс на Буџетот за 2019 година.

Во него, вкупните приходи се проектирани на 210,5 милијарди денари, а вкупните расходи се утврдени на износ од 228,2 милијарди денари. Дефицитот останува непроменет и е позициониран во износ од 17,7 милијарди денари. Со ребалансот се предвидува намалување на приходната и расходната страна за 1,2 милијарди денари, односно за 0,5 отсто. Буџетскиот дефицит се задржува на ниво од 2,7 отсто, а ревидирана е проекцијата за економскиот раст на 2,8 отсто.

Во изминатите три дена дебатата околу ребалансот на Буџетот се одвиваше во меѓусебни обвинувања меѓу пратениците од СДСМ и ВМРО-ДПМНЕ околу тоа колкава е реализацијата на капиталните инвестиции, бројот на странски инвеститори, успешноста на проектот „МојДДВ“.