Четворица во домашна изолација во Штип, ќе се тестира лице од Кочани со сомнителни симптоми на коронавирус
Во домашна изолација се вкупно четворица здравствени работници од Кожното одделение во Клиничката болница во Штип, писмено денеска информираа директорите на таа јавна здравствена установа и на Центарот за јавно здравје, Ален Георгиев и Марија Димитрова.
Во соопштението се наведува дека лекарките присуствувале на симпозиумот во текот на викендот на кој бил присутна и директорката на Клиниката за кожни болести во Скопје за која е потврдено дека е позитивна на тестот за коронавирус.
– Веднаш се преземени сите превентивни мерки согласно препораките на Комисијата за заразни болести. Лекарките се епидемиолошки анкетирани и со решение на Државниот санитарен и здравствен инспекторат се ставени под здравствен надзор и домашна изолација. Направена е дезинфекција на амбулантата и Одделот за дерматовенерологија во Клиничка болница Штип, се вели во соопштението доставено до медиумите.
Во него се наведува дека до следните препораки од Комисијата за заразни болести прегледите и хоспитализацијата на Кожното одделение во Штип се стопирани. Надлежните од Центарот за јавно здравје во Штип информираат дека им е најавено од страна на епидемиолозите од Кочани дека во изолациска болничка соба на Инфективното одделение треба да се донесе маж кој има сомнителни симптоми и на кого треба да се направи тест.
Двајцата директори велат дека сите информации и препораки ги соопштува министерот за здравство Венко Филипче и како надлежни институции се во постојана комуникација со него и со Комисијата за заразни болести.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање