Четворица повредени во две сообраќајки во тетовско
Четворица повредени и вкупнa материјална штета од околу 160 илјади денари се последиците од две сообраќајни несреќи што се случиле синоќа на патиштата во тетовско, информираше портпаролот на СВР Тетово Марјан Јосифовски.
Според неговите податоци во сообраќајката што вчеравечер околу 22 часот се случила на регионалниот пат Тетово-Пирок во месноста „Палчишка тумба“ учествувале две патнички моторни возила со тетовски регистерски таблици, „голф“ управуван од Б.И.(20) од Боговиње и „БМВ“ што го управувал Е.Џ.(24) од истото село.
- Во несреќата двајцата возачи и сопатникот од „Голфот“ С.М.(19) од гостиварски Градец задобиле телесни повреди со други возила биле пренесени во тетовската клиничка болница, и по укажаната помош биле пуштени на домашно лекување. Полицијата извршила увид и според првичните сознанија причина за несреќата е недржење страна додека вкупната материјална штета се проценува на 100.000 денари, рече Јосифовски.
Втората сообраќајка се случила на булеварот „Илинденска“ во Тетово исто така вчеравечер, но еден час подоцна околу 23 часот. Тогаш патничко возило „БМВ“ со тетовски регистерски таблици управувано од Л.С.(20) загубило контрола излетало од коловозот и удрило во метален електричен столб од улично осветлување.
Од излетувањето и удирањето возачот се здобил телесни повреди со друго возило бил пренесен во тетовската болница, и по укажаната лекарска помош бил пуштен дома. Причина за излетувањето првично според полицискиот увид била неприлагодена брзина односно пребрзо возење а вкупната материјална штета се проценува на 60 илјади денари
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро