Четворица од кои еден потешко повредени при судар на две возила во Скопје
Четири лица, од кои еден потешко, се повредени во сообраќајката што вчера попладне се случи на раскрсницата меѓу булеварот „Словенија“ и Качанички пат.
До сообраќајката дошло при судир меѓу „Ауди“, со косовски регистерски таблички, управувано од 44-годишниот С.А., и „Фолксваген Бора“, управувано од 30-годишниот Б.И. од Скопје.
Потешко повреден е сопатникот во „Ауди-то“, И.А. (1968) од Косово, кој е пренесен во Ургентиот центар каде му се констатирани тешки телесни повреди и е во животно загрозувачка опасност.
Повредени се и возачот на аудито и возачот и сопатникот на „Бора-та“. Возачот Б.И. и сопатникот Х.Ф. (1992) се пренесени во Универзитетската клиниката за хируршки болести „Наум Охридски“, а возачот на „Ауди-то“ е пренесен во ГОБ „8 Септември“, по што е препратен на Ургентниот центар, а потоа пуштен на домашно лекување.
При вадење на повредените интервенирала и Територијалната противпожарна бригада на Град Скопје.
За несреќата известен е јавен обвинител, а увид на местото направила увидна екипа од СВР Скопје.
Се утврдуваат причините кои довеле до несреќата.
Ново на Сител
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара