Четири конзорциуми во трка за изградба на гасоводот Скопје - Гостивар
Тринаесет компании во четири конзорциуми во трка за изграба на гасоводот Скопје- Гостивар , во должина од 76 километри.
Во конкуренција се и домашни и странски фирми. Како што информираа од МЕР , најкасно за два месеци ќе се знае кој конзорциум ќе биде избран да го гради гасоводот.
Целиот проект е проценет на 30, 8 милиони евра. Но конечната цена ќе зависи од еволуацијата на понудите.
Парите се обезбедени од Дојче Банк и Ерсте Групацијата. Ако се оди според планот гасификацијата на Полошкиот регион треба да заврши за три години.
Паралелно се работи и на другите гасоводи.
За изградба на гасоводната мрежа во Скопје, две компании имаат доставено понуда. До летото ќе се знае која од нив ќе ја гасифицира метрополата.
Интерес има и за Штип- Неготино. Седум фирми доставиле понуда за изградба на гасоводниот крак во должина од 36 километри.
За трасата од Неготино до Битола пак најкасно до април треба да биде објавен тендер.
Целосно е завршен магистралниот гасовод Клечовце- Штип , низ овие цевки гасот треба да протече во јуни.
Поцесот на гасификација на земјава ќе помогне за намалување на трошоците на домаќинствата и компаниите, и на загадувањето, а во изградбата ќе бидат ангажирани и повеќе работници.
-
Ирена Чачкова
Сите содржини од овој новинар