Чествување на св. Климент Охридски во пресрет на утрешниот празник
Во пресрет на утрешниот државен празник Св. Климент Охридски, вечер од 18.30 часот во Македонскиот народен театар свечена академија ќе одржи Македонската православна црква под покровителство на Претседателот на Владата на Република Македонија.
Ќе се обратат архиепископот г.г. Стефан и премиерот Зоран Заев, а во музичкиот дел ќе настапи Гудачкиот квартет при Македонската филхармонија.
Со повеќе активности денеска својот патронат ќе го чествува и Националната и универзитетска библиотека „Св.Климент Охридски“, каде што ќе се обрати министерот за култура Роберт Алаѓозовски.
Делегација од Владата на РМ предводена од министерот за култура Алаѓозовски ќе положи цвеќе пред споменикот на св. Климент на платото пред Библиотеката.
По повод патронатот, НУБ ќе организира пригодна изложба за 110 години од раѓањето на Митко Зафировски, директор на оваа институција од 1951 до 1973 година, а ќе отвори и изложба „Ликот на св.Климент низ современата уметничка призма“.
Својот патронат денеска со читање ќе го одбележи и Педагошкиот факултет „Св. Климент Охридски“-Скопје, а празнична манифестација „Моќта на буквите“ напладне ќе организира Универзитетска библиотека „Св.Климент Охридски“ во Битола.
Кинотеката на Македонија по повод празникот вечер од 20 часот ќе го прикаже филмот „Охридскиот светилник - Климент Охридски“, а предавање на тема „За основите на етиката на св. Климент Охридски“ во ЕУ Инфоцентар од 19 часот ќе одржи д-р Дејан Донев од Институтот за филозофија при Филозофскиот факултет.
Во Собранието на Република Македонија утре свечено ќе биде доделана државната награда „Св.Климент Охридски“ за 2017 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово