Честитка од министерката Шекеринска по повод Рамазан Бајрам
Министерката за одбрана Радмила Шекеринска упати честитка до граѓаните во Република Македонија од исламска вероисповед по повод празникот Рамазан Бајрам.
- Дозволете ми да ви го честитам празникот Рамазан Бајрам и завршувањето на рамазанските пости. Овој свет празник нека донесе душевен мир, трпение, разбирање и љубов. Нашата цел е да ги исползуваме различностите да нè направат посилни. Тоа е силата на Република Македонија, се наведува во честитката.
Во неа се додава дека празникот ни овозможува да ја зацврстиме меѓусебната почит и со заеднички сили да изградиме Армија и одбрана достојна за сите. Овие институции, се истакнува, ги градиме како гарант на нашата државност, слободата и независноста на нашата заедничка татковина.
Во честитката стои дека сите заедници во Република Македонија знаат меѓусебно да се почитуваат и знаат со заеднички сили да го чуваат она што за сите нас е најзначајно – слободата, сигурноста и демократијата. Тоа е единствениот пат кон заедничко, правично и просперитетно општество со еднакви можности и достоинствен живот за сите.
- Убедена сум, се вели во честитката, дека заедно ќе ги достигнеме сите цели, на патот кон вистинско демократско и просперитетно општество.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април