Честитка од Џафери по повод Меѓународниот ден на Бошњаците

Претседателот на Собранието на Република Северна Македонија Талат Џафери упати честитка  по повод Меѓународниот ден на Бошњаците – 28 Септември.

– Ви посакувам, како на овој ден, така и секој ден, да се гордеете со вашето потекло, да ги раскажувате и да ги негувате бошњачките обичаи и традиции и секогаш сплотени со вашите најблиски, да постигнувате успеси и напредок, но пред сѐ ви посакувам добро здравје и семејна благосостојба. Оваа држава ја сочинуваат и прават единствена сите заедници, и бошњаците како заедница се значаен дел кој секојдневно придонесува со својата уникатност во сите сфери од општествениот живот. Дозволете оваа убава празнична прилика да ја искористам да Ви искажам искрени желби за заеднички да го градиме нашето секојдневие, да придонесеме нашата држава да биде пример за просперитет, успех и добар живот, се наведува во честитката од Џафери до Бошњачката заедница.