Ракомет
14. јуни 2017 - 20:46

Чешка поуспешна од Исланд

Репрезентацијата на Чешка е првата која во групата 4 стигна до три победи и е со најдобри шанси за директен пласман на Европското првенство во Хрватска. Чешка во дуелот од 5.коло во Брно го победи Исланд со 27:24. Селекцијата на Чешка водеше во текот на целиот дуел, а Исланд само во финишот намали на 24:23, но немаше сили за пресврт.

Бабак кај Чешка со 8 голови беше најефикасен кај Чешка, додека Сигурдсон за Исланд постигна 9 голови.
Чешка е прва на табелата со 6 бодови, пред Македонија со 4 (гол разлика 3), Исланд има 4 (-8), Украина 4 (-8).
Утре во Суми, Украина е домаќин на Македонија. Почетокот на дуелот е во 18 часот.