Ракомет
19. February 2016 - 12:54

Челинџ куп: Вардар Јуниор посакува позитивен резултат

Со доза на внимателност ракометарките на Вардар Јуниор го очекуваат првиот четвртфинален натпревар од Челинџ купот со украинската екипа Карпати. На денешниот прес тренерот Симе Симовски потенцираше:

- Ова е голем успех за клубот со пласманот во 1/4 финалето. Имавме еден месец за подготовка за овој дуел, а за ривал имаме екипа која е слична на нашата, како според возраст така и според квалитет. Имаат само 2-3 нешто поискусни ракометарки. Но, ако ние ја одиграме нашата игра пред се добро во одбрана можеме до позитивен резултат.
Очекувањата и кај ракометарките се исти, па Маја Трпковска и Симона Стојановска истакнаа дека атмосферата кај девојките е одлична и дека ќе се борат за секоја топка и со максимална ангажираност да се стигне до триумф и што е можно подалеку во Челинџ купот.
Поради натпреварите на машаката екипа на Вардар во сабота и на женската во недела во рамките од Лигата на шампионите дуелот меѓу Вардар Јуниор и карпати ќе се игра во понеделник во 18:30 часот во СЦ „Јане Сандански“.