Чавушоглу: Турција ќе продолжи да прима бегалци
Турскиот министер за надворешни работи Мевљут Чавушоглу изјави дека Турција ќе продолжи да прима бегалци.
- Од 2005 до 2014 година бројот на бегалците во Турција се зголеми за шест пати. Турција не е во состојба да се справи со овој проблем сама, потребна е програма за раселување и контрола на миграцијата. Прифативме 2,5 милиони бегалци од Сирија и 200 илјади од Ирак, а во последните неколку дена во земјата ни пристигнаа уште 10 илјади Сиријци. Потрошивме 10 милијарди долари за прифаќање на бегалците и ќе продолжиме со политиката на отворени врати, изјави доцна синоќа Чавушоглу во Минхен.
Турскиот министер за надворешни работи учествува во Минхенската конференција за безбедносна политика.
Тој додаде дека за решавање на проблемите поврзани со илегалната миграција потребна е помош од НАТО и треба да се води борба со меѓународната криминална мрежа која врши илегална трговија со мигранти.
Ново на Сител
-
Излезноста до 11 часот е 12.78 отсто
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто
-
Излезноста во Струга до 9 часот 2,4 отсто, во Вевчани 5,5 проценти
-
Во Неготино до девет часот гласале 5.83 проценти од гласачите