Чавков понуди доказ дека нема вила на Халкидики, се чека одлуката на судиите
Петмина од осудените за организираниот напад на Собранието на 27 април 2017 денеска до Апелациониот суд Скопје поднесоа жалба и побараа да им биде укинат притворот и бараат до правосилноста на пресудите да се бранат од слобода, зашто имаат дадено гаранции уште во текот на постапката додека беа во ефективен и во куќен притвор.
Адвокатот на осудениот поранешен директор на Бирото за јавна безбедност (БЈБ) Митко Чавков, Сашко Дуковски, до судот достави извод од катастарот на Халкидики. Со него, како што вели Дуковски, се потврдува дека Чавков не поседува „ни вила, ни гулабарник, ни трло“ во Халкидики, што беше една од основите за определување на оваа мерка.
Тој додаде дека за неговиот клиент, кој беше неправосилно осуден на 18 години затвор, постојат две мерки за обезбедување, одземен пасош и обврска за јавување во судот, а понудена е и висока активна правосилна гаранција од 600 илјади евра во недвижен имот.
Дуковски е сигурен дека судот ќе ја одбие жалбата на Чавков, но нагласи дека предметот ќе заврши во меѓународниот суд за човекови права во Стразбур.
Гаранцијата на Горан Ѓошевски, кој е осуден на 15 години затвор, е 434 илјади евра, а на Душко Лазаров, осуден на 15 години затвор, е највисока и изнесува 770 илјади евра, целосно во недвижен свој и имот на роднини.
Адвокатот на Абдулфета Алими, осуден на 7 години затвор), пак, му даде доказ имотен лист на советот судии, дека имотот на Зијадин Села сѐ уште е во сопственост на Македонија. Села плати гаранција за Алими, зашто по обидот за убиство врз него, Алими му го спасил животот.
Одлуката ќе биде соопштена дополнително.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово