Бизнис
5. August 2021 - 13:11

Цените на угостителските услуги во јули повисоки за 0,5 отсто на годишно ниво

Цените на угостителските услуги во јули годинава, во споредба со претходниот месец, се зголемени за 0,1  отсто, а за 0,5 отсто во однос на јули лани, објави денеска Државниот завод за статистика.

Споредено по групи на услуги, зголемување на угостителските услуги во јули во однос на јуни годинава, е забележано во групата Храна за 0,1 отсто.

Според ДЗС, цените на угостителските услуги за периодот јануари – јули годинава, во однос на истиот период од минатата година, се зголемени за 0,3 отсто,  а во однос на декември 2020 година  за 0,1 отсто.