Целосно изгаснат пожарот кај Зрновци на планината Плачковица
Екипите на кочанската територијална противпожарна единица и Шумското стопанство „Осогово“ кои учествуваа во гаснењето на пожарот кај селото Видовиште во општина Зрновци, попладнево се повлечени, откако пожарот целосно е изгаснат и во најдлабоките делови на планината.
- Борбата со огнената стихија траеше во текот на вчерашниот ден, а по локализирањето на пожарот од изутринава со појава на ветерот се појавија нови жаришта. Сепак со пожртвувана акција на кочанските пожарникари, месното население, на вработените од Шумското стопанство „Осогово“ и од Комуналното претпријатие „Водна кула“ од Зрновци, пожарот целосно е изгаснат, изјави Благој Николов раководител на Центарот за управување со кризи на Кочани.
Според градоначалникот на општина Зрновци Блаже Станков, ова е пожар од пошироки размери кој не се памети досега на територијата на општината, посебно на терените на планината Плачковица.
Огнената стихија, како што рече, уништи околу 300 хектари нискостеблеста шума, но има изгорено и букова и дабова шума.
Пожарот, според очевидци, избувнал вчера наутро на овоштарник во месноста Трнавица, над каналот за наводнување, близу селото Видовиште и се проширил кон планинските преедели на Плачковица меѓу селата Видовиште и Теранци.
Ново на Сител
-
ВМРО-ДПМНЕ ја официјализира својата коалиција
-
Еко акција во Прилеп
-
Штипска фирма доби забрана за работа поради загадување
-
Преглед на вести од светот
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите