Царовска: Со закон гарантираме зголемување на пензиите
На обвинувањето од ВМРО-ДПМНЕ дека со законските измени од минатиот месец пензионерите се оштетени и ќе имаат пониски пензии зашто е намален коефициентот за пресметка од 1,61 на 1,54 за 2019 и на 1,47 за 2020 година, министерката за труд и социјална политика Мила Царовска на седницата на пратенички прашања рече дека пензиите растат согласно со законското усогласување.
Сега опозициската партија, рече таа, не само што манипулирала со 300.000 граѓани, туку оштетила повеќе од 570 илјади вработени идни пензионери и создала огромна дупка во пензискиот фонд.
-Сите граѓани плаќаат за вашите нереални, несоодветни и штетни политики за пензискиот систем што довело до негово постојано распаѓање. Затоа што не ги следевте статистичките податоци и без да направите планска проекција. Во декември 2016 година просечната пензија изнесувала 13.754 денари, а во декември 2018 изнесува 14.445 денари. Ова кажува постојан раст на пензиите во државата, рече Царовска, одговарајќи на прашањето на пратеничката Слаѓана Митовска.
Во последното законско решение, додаде Царовска, стои дополнително зголемување на пензиите доколку економијата расте во тековната година, односно ако се постигне економски раст во секоја година поголем од 4 проценти од БДП, пензионерите во април ќе добијат трето дополнително усогласување согласно со економскиот раст.
-Ова значи дека конечно го гарантираме зголемувањето на пензиите со закон, независно од политичката волја и независно од изборите во нашата држава, а тоа значи праведност и посветеност, рече министерката за труд и социјална политика од собраниската говорница.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри