Царовска: Над 14 илјади ученици пријавија испити, матурата ќе се спроведе, бојкотот е неоправдан
Министерката за образование и наука во врска со бојкот на наставата на средношколците рече дека станува збор за мали групи средношколци коишто го искажуваат свој револт.
„Тоа е нивно право да го изразат незадоволството, но е важно да се знае дека мнозинството учениците ја следат наставата. Една скопска гимназија има поорганизирано дејствување, додека во останатите гимназии и средни училишта, станува збор за изолирани мали групи“, изјави Царовска.
Министерката изјави дека матурата ќе се спроведе за што веќе се прават подготовките, а учениците најуредно ги имаат пријавено матурските испити.
„Повеќе од 14.000 матуранти ја пријавиле матурата, што всушност е бројката на матуранти отприлика коишто ги имаме годинава во земјата. Концептот за полагање на матурата е утврден уште на почетокот на учебната година и тој се спроведува во моментот.
Секое поместување ќе ни направи проблем со запишување на учениците во високо образовани дома и надвор во земјата.
Министерката истакна дека матурата значи заокружување на едно ниво на образование и затоа таа треба да се полага.
„Сите коишто планираат да продолжат на факултетите треба да ја полагаат матурата затоа што таа е услов да може да го продолжат образованието на факултетите и дома и надвор од земјата. За наредната година 2022 кога ќе полагаат дека тогаш нема да има проблем ќе имаат нова концепција и договоривме да формираме работна група, којашто ќе стартува од понеделник заедно со матурскиот одбор и Државниот испитен центар. Тие се задолжени за таа концепција. Да се подготви нов концепт по којшто ќе се полага секако дека е потребен нов концепт за измени во матурскиот испит и тоа ќе го направиме знаат и средношколците, но од идната учебна година“, рече Царовска.
Министерство за образование и наука
Ново на Сител
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај