Балкан
7. July 2020 - 17:56

Цапак: Постои можност за враќање на самоизолацијата за државјаните на БиХ

Хрватска нема повторно да ги затвори своите граници и покрај зголемениот број заразени со коронавирусот, но во моментов ја преиспитува можноста за воведување мерка за самоизолација за граѓаните на Босна и Херцеговина, изјави директорот на хрватскиот Институт за јавно здравје, Крунослав Цапак.

-Одлуката се уште не е донесена, но таа е на маса. Ние ги предупредуваме граѓаните да не одат таму на шопинг  затоа што е поевтино, рече Цапак, додавајќи дека повеќе од 50 проценти од луѓето што доаѓаат ќе бидат вратени од границата.

Тој најави дека во следниот период ќе има средба со колегите од Словенија со цел да се договорат за преминување на границата, со оглед на фактот дека голем број туристи доаѓаат во Хрватска токму преку Словенија.