Бундестагот одобри воена интервенција против Исламската држава
Долниот дом на германскиот парламент со огромно мнозинство (445 од 598 пратеници гласаа „За“ а деветмина беа воздржани) одобри германско учество во воената акција против Исламската држава во Сирија, јави дописникот на МИА од Берлин.
Според предлогот на владата во Берлин, Германија испраќа авиони за извидување, една фрегата за поддршка на францускиот носач на авиони Шарл Де Гол и максимум 1200 војници и друг воен персонал.
Одлуката на Бундестагот доаѓа откако Франција побара поддршка за борба против ИД по нападите во Париз. Германската армија досега обезбедуваше само техничка и логистичка поддршка за акцијата на меѓународната коалиција која се бори против ИД.
Новата улога на Германија одобрена од парламентот не предвидува учество на земјата во нападите врз ИД кои сега ги спроведуваат воздухопловствата на САД, Британија, франција и Русија.
Учеството на Германија во битката против ИСИС се очекува да чини околу 120 милиони евра.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок