Бундестагот го усвои контроверзниот закон за патарини за странците
Долниот дом на германскиот Парламент, Бундестагот денеска го усвои контроверзниот закон за воведување патарини за странските патнички возила на германските автопатишта, јави дописникот на МИА од Берлин.
Законот, што од други земји членки на ЕУ и Европската комисија беше оценет како дискриминирачки и за него беше поведена тужба пред Европскиот суд на правдата, ќе стапи во сила откако за него ќе се произнесе и Бундесратот. односно Горниот дом на Парламентот.
За разлика од германските државјани, кои ќе бидат ослободени од плаќање патарини преку компензација со годишните такси што ги даваат како надомест за регистрација на возила, сите останати странски патници ќе треба да плаќаат сума од најмногу 130 евра на годишно ниво ако сакаат да ги користат германските автопати.
Критиките од Брисел и другите земји на ЕУ, како Холандија и Полска, кои сметаат дека Германија ги дискриминира возачите на останатите членки на Унијата, беа делумно амортизирани откако во декември владата во Берлин најави дека цената на патарините ќе зависи од нивото на загадување на секое возило.
За да се задоволат барањата на соседите и ЕУ, Германија се согласи за странските возачи и сопственици на патнички возила да бидат воведени краткорочни патарини со траење од неколку дена. Цената на патарините во траење од 7 или 10 дена во најголемиот број членки на ЕУ е десетина евра.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили